அடிக்கடி வறட்டு இருமலா முழுமையா குணமாக சித்த மருத்துவர் சொல்லும் வீட்டு வைத்தியம்!

இருமல் என்றாலே அதிக அசெளகரியமான ஒன்று. அதிலும் வறட்டு இருமல் என்பது மோசமான ஒன்று . வறட்டு இருமல் வந்தாலே நாள்கணக்கில் வாரக்கணக்கில் பாடாய் படுத்தும். பனிக்காலத்தில் இதன் தாக்கம் அதிகமாகவே இருக்கும். இந்த வறட்டு இருமலுக்கு சித்த மருத்துவம் சொல்லும் தீர்வு என்ன என்பதை இப்போது பார்க்கலாம்.

இருமலில் இரண்டு வகைகள் உண்டு. ஒன்று சளியை உற்பத்தி செய்து உருவாக்க கூடியது. இது நுரையீரலில் இருந்து அதை நீக்குகிறது. மற்றொன்று சளியை உற்பத்தி செய்யாது. சளியை உருவாக்காது. எனினும் இதில் இரண்டாவது வறட்டு இருமல் அன்றாட வாழ்க்கையை தீவிரமாக பாதிக்கும். குறிப்பாக இரவு நேரங்களில் மோசமானதாக இருக்கலாம். இந்த வறட்டு இருமல் வர காரணங்கள் என்ன அதற்கு தீர்வு என்ன என்பதை விளக்குகிறார்
சித்தமருத்துவ நிபுணர் உஷாநந்தினி BSMS., MSc Biotech. Lotus women care hospitals, PCOS speciality centre, Exclusive siddha and ayurveda hospital for women.

வறட்டு இருமலுக்கு காரணங்கள்?

சளியை கொண்டிருக்கும் இருமல் வேறு. உலர் அல்லது வறட்டு இருமல் என்பது சளி இல்லாத நிலை. இது நுரையீரல் அல்லது ஆஸ்துமா தொற்று இருந்தால் வரலாம். வீசிங் பிரச்சனையை தொற்று, அஜீரணக்கோளாறுகள் இருந்தால் வறட்டு இருமல் வரலாம்.
சைனஸ் தொடர்பான பிரச்சனைகள்,post nasal drip என்று சொல்வோம். இது சாதாரணமாக இருக்கும் போது இருமல் உண்டு செய்யாது ஆனால் பேசினால் இருமல் வருகிறது. படுக்கும் போது இருமல் வராது. ஆனால் படுத்த பிறகு இருமல் வரும். பிறகு எந்திரிச்சி இருமிய பிறகு படுப்பார்கள். இது தான் post nasal drip என்று அழைக்கப்படுகிறது.
மூக்குத்தண்டிலிருந்து வாயின் பின்புறம் தொண்டைக்கு செல்லும் இடத்தில் சளி தொற்று துளி துளியாக இறங்கும். அதனால் தான் பேசும் போது படுக்கும் போது இருமல் வரும்.
சிலருக்கு காது அடைப்பு இருக்கும். காது முதல் தொண்டை வரை அரிக்கும் வரை உண்டு என்று சொல்வார்கள். இது ENT தொடர்பான பிரச்சனை காது, மூக்கு, தொண்டை மூன்றையும் இணைக்கும் Eustachian tube தொற்று இருந்தாலும் வறட்டு இருமல் உண்டாகலாம். இதை எப்படி சரி செய்யலாம். இதற்கு உதவும் வீட்டு வைத்தியம் என்ன என்பதை பார்க்கலாம். அதற்கு முன்பு உங்களுக்கு எதனால் வறட்டு இருமல் வந்தது என்பதை தெரிந்துகொள்வோம்.

Gastroesophageal reflux disease (GERD) இருந்தால் வறட்டு இருமல் வருமா?

நள்ளிரவு சாப்பிடுவது, சாப்பிட்ட உடன் உடனே படுப்பது, அதிக டென்ஷன் ஆகிறவர்களுக்கு வயிற்றில் இருக்கும் அமிலம் மேல்புறம் தெறிச்சுவிடும். இது தொண்டையில் பட்டு புகைச்சு இருமல் வரும். இந்த பிரச்சனை இருக்கும் போது சளிக்கான மருந்து எடுத்தாலும் வறட்டு இருமல் சரியாகாது. ஆனால் பிரச்சனை என்ன என்பதை கண்டறிந்து சிகிச்சை எடுத்தால் தான் வறட்டு இருமல் சரியாகும்.
உங்களுக்கு நள்ளிரவு நேரத்தில் சாப்பிடும் பழக்கம் இருந்தால், சாப்பிட்டவுடன் படுக்கும் பழக்கம் இருந்தால் உங்கள் வறட்டு இருமலுக்கு காரணம் இந்த பழக்கம் தான் நீங்கள் கடுக்காயை கொண்டு உங்கள் வறட்டு இருமலை சரி செய்யலாம்.